باسم اللذي بالكون

[الطائر المهاجر]

http://www.fatahilah.com/up/mshuraf.mp3

باسم اللذي بالكون دبّر وصرّف = اللي خلقنا ثم امرنا نتعرّف
شعب وقبيله ما يبينا نتطرّف = ونراعي التقوى بكل التدابير
.
يا مرحبا بك في ربوع المشرّف = اولاد من لا احتاج عزّه يعرّف
امشرف اللي من عرف به تشرّف= نسل الأكابر من تميم المغاوير
.
في منتدانا بالرجال انتشرّف = بحضورهم يكمل فرحنا المترّف
اولاد عم ولو بعيدٍ تطرّف = الدم يجمعنا ومجد المناعير
.
وكل من نطق بالضاد فالظل ورّف= بوجودهم حنا جميع انتشرف
فرصه سعيده بالرجال انتعرّف = وهم يعرفونا بالفعل والتفاكير
.
ومن حقّنا نفخر بجدّي مشرّف= ودمٍ نقيٍّ ما بيومٍ تحرّف
وحاضر وماضي بالحضارات شرّف = كل العرب من شرقها لا اغادير
.
تاريخنا مشهود ما هو محرّف = من خلقت الدنيا التميمي مترّف
دانت له بفكره وسيفٍ مطرّف= وساس عريقٍ ما عرف يوم تزوير
.
حنا الكرم والمرجله والشجاعه= وحنا انغذينا بالشهامه رضاعه
لا صاح صياح التميمي بساعه = جاوبه من لا يعترف بالمحاذير
.
حتى بزمان السلم تعرف طباعه = شامخ شموخ طويق لوهو بمجاعه
ماينحني راسه بذل وخناعه = الا لولي العرش مجري المقادير
.
واضح وضوح الشمس ما به خداعه= ولا هو منافق كود يبحر شراعه
قانع برزقه ما عرف للدناعه = رزقه على اللي خالقه والمطايير
.
هذا التميمي المشرّفي ياجماعه = ومن لاعرف به تايهٍ في ضياعه
ماضي وحاضر والأفق باتساعه= يشهد بمجده واقعٍ لا اساطير