يقطعك يالورق

[ماجد الزيد]

جاوبت أنا الورق من همٍ مضايقني=راحت حياتي وأنا من ضيقه لضيقه

وعزاه من هم عيا لايفارقني=أتعبني الصبر وأنا أرقا شواهيقه

وإن جيت ابدله لقيت الضيق لاحقني=الله يمحاه مايخلف مواثيقه

وطعون وقتي بنار الضيم تحرقني=واحزان قلبي تتله من معاليقه

من يوم صغري وذا همي مرافقني=رفقة عذولٍ لا انااحبه ولا اطيقه

منهو عويني على حظٍ مزهقني=رحماك ياللي عليمٍ في مخاليقه

يقطعك يالورق يوم انك تضايقني=قضيت عمري وأنا من ضيقه لضيقه

إنكسارات النخيل احساسك بالقصيده رائع وحاضر بقوه
صح الله لسانك وجاد بنانك
لكي تقديري واحترامي