ابيات لاتغيب عن ذاكرتك

[ذيب السنافي]

من هجركم دمعي على الخد سكاب=من جوركم ضاقت علي المداهيل
عزاه ياسحر النواظر والالباب=ضاع الوفى وانبت حبل المواصيل
لا هاتف(ن)يزهم ولا واحد جاب=منك الخبر ولا العتب بالمراسيل
ترى الزعل من دون شرح للأسباب=متعلق اشكيك العواذل مداخيل
الي لهم عادات تشتيت الاصحاب=من يمهم لا تسمع القال والقيل
لي من تعكر يالغضي صفو الاحباب=عاداتهم نصب الشرك والمحابيل
وش خانة الصحبه بلا ود عتاب=وش خانة الرفقة بليا تعاليل
لي صار قلب الخل في الخل يرتاب=وش عاد يبقى للقلوب المغاليل