قناة الشرزاد الشركيه

[عذب القوافي]

قناة شرك ٍ تنشرالخبث وتجور=بالشعوذه دجّال يعرض مزاياه

مس العقيده واصل ٍداخل الدور=عطشان يسقي جاهل الناس من ماه

كيف المطبّل يفتن الخلق بشرور=ياليت سيـف الحق يجترعلباه

وفي سنة الهادي ترى السحر محذور=ودرب السحر غرقان تكفون من جاه

حشّاش فـاشل من مزاياه مغـرور=متغطـرس ٍ بالهرج والطيب عـدّاه

نخيت ربعي جنبوا شلة الزور=خدّامة المدحور تبغي له الجاه

جنّب عدو الله ولا تاخذ الشور=من زار ساحر خالط الشرك دنياه

وراع الصبر يالمبتلي دوم ماجور=لو مات ربي يدّخرها في أخراه

والختـم صلوا عـد ماشعشع النور=على محمد بالحرم حطّم اللاّه

تقديري وكل عام والجميع بخير .