يابوسعد ايامنا والليالي

[الطائر المهاجر]

كيبورديه

يابو سعد أيامنا والليالي = ماهي على خبرك وخبري من اعوام
كلش تغير واصبح الشي غالي = إلا الرجل قيمته تنزل للقدام
والبوم حلق فوق شمخ الجبالي= والحر من جوعه غدا كومة عظام
في وقت فيه البعض شبه انعزالي= وبعضٍ وصل بالمكر لو كان خدام
احيانٍ اضحك غصب مما جرى لي= واحيانٍ اكتم عبرتي مثل الايتام
لاشفت كيف الوضع ياخوك تالي= تحكموا فيه الخكارى والاشوام
متسترينٍ خلف بعض الثعالي= اللي لهم في الخبث صولات وإقدام
وابن الوطن عايش على هملالي= محدٍ يبي قربه ولو كان ضرغام
يجوع يعرى لو سكن بالصوالي = ولا من سرق خبزه فهو سيد الاجرام
ادري ولي الأمر ماهوب سالي= ولو هو درى بالأمر للظلم لطام
لكنْ بعَض من كلفوا بالمجالي = كلٍ لنفسه والأقارب بلا لجام
ولا جاه من جيبه من القرش خالي= ان كان وصله فالعذر مايبي افهام
مابه وظايف والنقص والخمالي= مهوب مني فانتظر عام واعوام
ولا من لفى من شيعته والخوالي= بامر الولي تظهر وظايف بالاكوام
لو كنت مسؤولٍ لاشيل الثقالي= واطهر الديره من اوباش وخمام
واقطع يدين اللي فساده بدالي= والاجنبي في الباخره دون إعلام
لكن ربك عالمٍ عن حوالي = اليد قصيره والفكر فاق الاحلام