أحبّها............

[العيناء العامريه]

يا لِعن بوها أبيهـا رغـم قسوتهـا = وكثر ماهي تصدّ اموووووت أنا فيها
من مفرق الراس لين مكان وطيتهـا = احبهـا كلهـا وآحــب طاريـهـا
أحب جمر(ن) توقـد فـوق شفّتهـا = يحرق بناره بقايـا روح مغليهـا
أحب لليل(ن) تثنـّى فـوق هامتهـا = وضيّع نجومه على باقـي نواحيهـا
أحب صوت(ن) سرق من حلو بحتها = باقي حروفه وجاني همـس يبكيهـا
أحب ذاك الغرور اللـي بنظرتهـا = واحبهـا لاهيـه عنـي وانـا ديهـا
أحبهـا غايبـه واشتـاق رجعتهـا = واحبهـا ناكـره للوصـل وآجيهـا
واروّض الشوق لين اشوف صورتها = ولا شفتها ذبت كلـّي فـي معانيهـا
وآعيش مثـل الأميـر الا بساحتهـا = هي سيـدة خافقـي تآمـر والبّيهـا
تجـرح وتذبـح وتتغلـى براحتهـا = قلب(ن) تولّع بها وشلون يشكيهـا

قمه الحب و العطاء ...... والروعه و الجمال
ليست غريبه من شاعر مثلك ان ياتي بهذه العذوبه

صح لسانك و تقبل احترامي