صرْخات صمتي ........

[ماجد المهدي]

عجزت أنادي وما لبيتي للنادي = وارفعت صوتي بربك يا الغلا ردّي

يا غاديٍ قل من اضحى سنة غادي = صبري نفد واشتياقي لوّع بكبدي

أقسم بربي غيابك دمر افؤادي = وأصبح وأمسي وأَثَرْ دمعي على خدّي

حاولت امحيه ما أثْمر ولا فادي = وأسرح بفكري واتوه ابحث على وجدي

حرام والله هجرت السُهد ووسادي = اشوفها لي تقول ارتاح بالسُهدي

من زود همّي هجتني فرحة الحادي = ومن سبتك للأسف خلّي انقلب ضدّي

وصار العنا صاحبي والغمِّ بعتادي = أجلس مع الناس روحي ما هيا عندي

والصمت ابلغ كلامي وغاية امرادي = صرْخات صمتي تعبّر عن شقا المهدي

لو كان عادي فراقي ما هو بالعادي = فقد الحبيب الذي ما له ابد ندّي

تحياتي

ماجد المهدي