سيمفونية العزف الرقيق

[البحر الوافر]

الأخوة والأخوات أضع بين أيديكم جديد قصائدي وكلي أمل أن تصل

إلى ذائقتكم ، وتحوز على إعجابكم ، ويسعدني أن أهديها من خلال هذا

الصرح الغالي على نفسي لمن أستحقها بكل صدق .........

والقصيدة بعنوان ( سيمفونية العزف الرقيق )





حلم واللى علـم قبـل البارحـه حاكانـي = صوت ما أعرف كيف أوصّف نغمته وسلوبه

من بعيد هنـاااااك باسمـي ردد ونادانـي = ولتفـت ورادتـي مـن حيرتـي مسلوبـه

جاوبه قلبي قبـل يبـدأ الجـواب لسانـي = واتجهت بكامل احساسي لصـوب دروبـه

صوت فيه البحـه اللـي تنعـش الآذانـي = والسعيد اللـي تمنـى ويحصـل مطلوبـه

فيه سيمفونيـة العـزف الرقيـق الحانـي = لا نطق يا مصدق حروفـه ودوبـه دوبـه

وفيه من قطر الندى لا داعـب الأغصانـي = رقـه ودقـه وهمـس وكبريـا وعذوبـه

صوت يشرح خاطر المتضايـق الزعلانـي = ويشفي جروح المريض اللي أسير عطوبـه

أسمعه فـي كـل وقـت يخالـج الوجدانـي = وأمتلك فكري معـاه فكـل لحظـه يجوبـه

ذاب في وسط الخفوق وسار في شريانـي =ومن حلاته كنّـه السكـر حلـو مشروبـه

وانتشت معـه الحيـاة وزالـت الأحزانـي = والسعـادة فـي مقاطـع نبرتـه مكتوبـه

أدمنـه كلـي وهمسـه جرعـة الإدمانـي = وفي غيابه نار في وسط الحشـا مشبوبـه

لو بعـدد فـي محاسـن حسـه الفتانـي = ترجع أبيـات القصايـد مفحمـة مغلوبـه

إيييييه يا محلاك صدفـه جرسهـا ودانـي = لأبعد حدود الخيـال وصـارت المحبوبـه

أشهد إني مغـرم وعاشـق وبـه هيمانـي = وأشهد إنه حطّـم أسـوار العنـا بعجوبـه



مع أعذب وأرق التحايا

أخوكم دخيل الغانمي

...................
.............
......