حيّ النّبا اللي على كل النّبا نايف

[سهيل الشمري]

حيّ النّبا اللي على كل النّبا نايف=عذب ٍ سبا الفكر والخفّاق والشوفي
من لي زمان ٍ وانا ويّاه متْلايف=خبّل بي اوّل وزاد الحين باكْلوفي
يضرب على اوتار قلبي عزْفه الكايف= ويْلجّم الْساني عن الدين لايوفي
لاعشْت عمْقه اقول ادْبي بالطايف = ياحيلة الله واحسّ العقل مخفوفي
نٍبْراس نبض ٍ وعندي غيره الزّايف = نحْته من الصّخْر ومْن البحر مغروفي
اعْشقْه شفْقان واعشق نبرته خايف = واموت به لاصِدح بالحبّ معْزوفي
وارْكضْ ورا جٍرّته لو قال لي عايف =واصيح بالصوت تكْفِي روفي وروفي
لنّي بْليّاه احسّ الموت لي حايف =واني بدونه بسجن الحزن مكتوفي