الصبر له عند المخاليق مقدار

[عبدالله راشد الثويني]

الصبر له عند المخاليق مقدار=ولا كل من يصبر ينال المقاصيد
وانا من اجلك ذقت با الحب الامرار=اغصان صبري مابقا به عناقيد
ياغايتي والوقت لا شك دوار=به تنكشف كل العلوم الملابيد
يبان من طبعه مع الناس غدار=ويبان من يحمل صفات الاجاويد
غريتني كنت احسبك ضمن الاخيار=واثري بعرفك صرت ضمن المقاريد
لا تعتذر مافيه داعي للاعذار=وفر دموعك والعنا والتناهيد
قررت ببعد وانهي اللي معك صار=والغي مع الآلآم كل المواعيد
ماقلتها والفكر تايه ومحتار=لجلك بأكد رحلة البعد تأكيد
رثيت حبك والغلا وسط الاشعار=وحروفها تأتي لعينك شواهيد


والعذر على القصور
أخوكم/ الـسـمـح