أكذب عليك ولاتصدق كلامي

[شبل الهيلا]

لوقلتلك ما أقدر على البعـد وأنسـاك = أكـذب عليـك ولا تصـدّق كلامـي

أقـدر العيـش العمـر كلّـه بليـاك = وأحسبْك حلمٍ زارنـي فـي منامـي

ياصاحبي واللي من الطيـن سـواك = إن طيبي وعطفي ف.مثلك حرامي!!

طريقتي في فراق مثلـك وشـرواك = الصمت أبلـغ مـن جزالـة كلامـي

روحي عسى ربي يحفظك ويرعـاك = في البعد رااحـه للقلـوب الهيامـي

وحتى ولو عطشتْ شفـاي لشفايـاك = وورَدتْ عـدّك هايـمٍ فيـك ضامـي

بحاول اسلى عن ملاقـاك وأسـلاك = وأصبر وأجاهـد رغبتـي بإلتزامـي

لانيـب مــدروكٍ ولانـيـب درّأك = ولا الموت خلفي ولا البحر من أمامي

أرجوك تنسَى شخص كـان يتمنـاك = وتنسَى ليـالٍ عشتهـا فـي غرامـي

سجّل خروجك من حياتـي وفرقـاك = عضويتـك ماتتفـق مـع نظامـي !!

سمّه علـى كيفـك بسيـيء نوايـاك = قل ماتبـي دامـك فقـدتْ إحترامـي

ودعتـك الله وأستـر اليـوم ماجـاك = وأرحل على ركبْ السنين الحيامـي.