كتمت حبي لاجلها

[عبدالله البهلولي]

ياطير عالي في سماك ناظر عسى تلقى خبر=عن بنت قامه طولها ماظنها منك تغيب
ناظر وخبر وين هي قيس المسافه بالنظر=عود لنا باحلى خبر من قبل قلبي ما يصيب
يا طير بالله اجتهد وانظر فحالاتي خطر=ان ما تجدها عدت واقبرني وقول قبرالحبيب
كتمت حبي لاجلها والا فهي نور البصر=هي داخل القلب ارتبت واليوم عليها كم نحيب
عشنا سوى من يوم كنا بالطفوله والصغر=واليوم لا ضحكه ولا راحه ولا للصوت مجيب
بعطي لطيري اجرته لو يطلب اغلاها درر=اهم شيئ يعطي خبر فالقلب آهاته لهيب
وغاب طيري بالسماء وانا بهمي مستقر=وعود وقال البنت لك ما بايقاربها غريب
فقلت فصل ما تقول وين اهلها بين البشر=وليش غابوا عن دياري بعد ما كانوا قريب
قال التجاره يالحبيب مهنه لهم بين الحضر=جهز لك المهر الذي بايطلبوه انت النصيب
ياطير من شوقي ترى قلبي بدقاته ضرر=وانا ادعوا الله ان يوفقني بها قبل المشيب
يارب واكتب لي حلالك هي بعيني كالقمر=حلال ياربي حلال واقول ياذا الهم غيب
وياطير لك مليون شكر ولك وفا مني سطر=شكراً ملايين عد ما ياكل حبيبين الزبيب