(صدى لصوت أخي الشاعر القدير ابن خزيّم )

[ضاامية الود]

أحبتي هذا صدى لصوت أخي الشاعر القدير الاستاذ / عبدالكريم بن خزيم
الذي شرفني بتوجية مشاكاته لي عبر هذا الرابط 0

http://www.fatahilah.com/showthread.php?t=19211


حي الذي يبدع على كل طاروق = ويشكي لبن ماضي حجيم الفراقي
الشاعر اللي هده الحب والشوق = باسباب غــِروٍ فـرقـته ما تطاقي
يقول ساكن بالحنايا وبالموق = والله مابنسـاه مادمت باقي
وآنا اقول اصبر عسى خلك يروق = ويِحن لأيام الوصل والتلاقي
ماظنتي هذا تجاهل ولاعقوق = منه 0 ولاهو مثل ما انت هاقي
يمكن له ظروفٍ وهو بعد مخنوق = شفقان يرجوا شوفتك باشتياقي
صابر وقلبه من لظى الشوق محروق = متعذبٍ في البعد عنّك وشاقي
وامثال ماترجوا وصاله لك يتوق = هو وين مثلك يالسنافي يلاقي
دامه يحب مايستمع هرج مطفوق = مادام عهدك له شديد الوثاقي
حتى ولو في خاطره شيٍ يفوق = ويقول حبك ساكنٍ في اعماقي
باكر لشمس حبيّبك يطلع شروق = وتعيش باذن الله معه في وفاقي
محدٍ يلومك دام لك نبض وعروق = وانك شفوق لشوفته والعناقي
ويابن خزيم دمت يالشاعر الذوق = من ماعرفتك وانت مبدع وراقي

***********
مبروك بن سالم بن ماضي



اخوي مبروك


اوجت وجزلات باهذه القمه


ولاهي غريبه علي شاعرنا القدير


صح لسانك وقلبك علي هالبوح


لك اعز تحيه