لا بار بك خلك وغيّر طباعه(بالصوت)

[تركي أبن خنيصر]

القاء
http://fatahilah.com/up/2bar.mp3


لا بار بك خلك وغيّر طباعه = ولا قدّر اللي تبذله من جمايل
همش عليه بكل عقل وشجاعه= ودور على غيره تلاق البدايل
مقعدك مرتاحٍ ولو نصف ساعه = ولا عمر يمضي بالنكد والنكايل
وعمرٍ مضى محسوب ماله رجاعه= فاغنم بقايا العمر فالظل زايل
الوقت علّمني الصبر والقناعه = وعلمني ما سنّد على جدار مايل
وعلمني ما اقبل خبيث اللكاعه= وعلمني كشف اللي مشى بالختايل
ماني من اللي ينمسك من ذراعه= ولا من يغضّ الطرف خوف الفشايل
والمقفي ما اودّع ولا بي وداعه = ولا ني من اللي في رجوعه يخايل
هذا أنا ياماشيٍ في ضياعه = من قبلما يلهبك صال القوايل
مبداي واضح ما يبي له رماعه = الدين يحكمني وسلم القبايل


وافية من وافي ,,,

ولايستغرب الجزل من اهله , فتحيا على ماأملته مشاعرك ,و ماخططته انااملك..