((>> كفايه كده <<))

[حسن سيد]

لسه صابر قلبى

لسه

مستنى الأمان

لسه دمعه ف عينيه

مركونه من زمان

و الجراح لساها تنزف

م ال باع و ال خان

ووداع حزين من غير سلام

لسنين كتيره عشتها بحلوها و مرها

و ألام لوحدى إتألمتها و كتمتها

عاشت فى قلبى لوحدها

من غير ما حد يحسها

دلوقتى بس بدأت أحس

لما الدموع غسلت عينيه

الرعشه هزت كيانى و التعب زاد عليا

و بقيت ملازم للفراش

ساعات أأقوم و ساعات أزووم

مستنى موت أو إنتعاش

بين التمنى و الأمل

حروفى تبكى

لما أشوف بنتى و أبنى

ببراءة عيون بالحَمَار إتلونت

بسمة شفايفى تقول لهم

متخفوش يمكن أعيش

كل شئ فى الدنيا غيركم ما يهمنيش

ادعولى أرجع تانى ليكم

و أكون معاكم و بين إيديكم

!

!

!

كفايه كده


ابراهيم عبد الحميد

استاذى الخريف الحزين
نحن نستمد منك الامل
والاعمار بيد اللة
ادام اللة سرورك
وحفظ اللة لك اولادك
القصيدة اكثر من رائعة
لكن نبرة الحزن عالية
دمت بخير