طيف ملحوق

[سناعيس]

متواضعه
آمل أن تحوز على اعجابكم
:


في عيـد ميـلادك أبهديـك جـوري=أوراقهـا حبـي وأشواكهـا شـوق
خذها من ايدين الغلا ان طعت شوري=واترك أثرها في سما دنيتـك فـوق
وخذ مهجتي لك وإعتبرها عطـوري=هديتك بالعيـد مـن كـف معشـوق
يامن علي أضفيت كامـل سـروري=أنا أشهد انك راعي اللطف والـذوق
إن جيتنـي أهـلا وهـذا شعـوري=وان رحت روحي سمتك طيف ملحوق
ان كان حبك هـو علامـة فجـوري=كلي فجور وذنبي انـي لـك أتـوق
من غيرك من الناس يرضي غروري=ومن غيرك اللي له مزاجي بدا يروق
بعض البشر حبه مع الناس صـوري=والبعض منهم بالهوى كرت محروق
أما انت أخذت من الغلا شيء فـوري=وجعلت لك كل الحنايـا كمـا طـوق
وسألت سهم الحب واكـد عبـوري=لأقصى معاليقك وصارت لي احقـوق
وإن جيت للواقع فلا هـو ضـروري=تأخذ معك بالقلـب أيّـات مخلـوق
اللـي علـي قلتـه وأكملـت دوري=وانته بدورك قدم اللـي بـي يلـوق
لاني ملكـت اللـي يصلـح أمـوري=مع وقتي اللي من عناده بدا يفـوق
سناعيس