محاورة 2 ليلة الجمعه 29فبراير

[الطائر المهاجر]

المهاجر=
سلام الله على رجال لهم في المرجله نيشان= سلامٍ عد ما ركّب سحاب وهلّت مزونه
فلاح=
هلا يامرحبا بك يامدير المنتدى عثمان = عدد ماسارت ارجولك يابو شيلات موزونه
المهاجر=
عطوني من قوافيكم واببدع اعذب الألحان= يغنيها المهاجر عذبة والعذب بلحونه
انا رجلي تسير برحلة الصقهان والطرمان= مثل شرواك يالمنشار لو ما قلعت لسنونه
اذا كانك تبي الملعب فدوكياه ياحميدان= وسل السيف من غمده وانا ارجعه مضمونه
فلاح=
يطول الليل وانا منتظر حضي بعد مابان =ومن حضي قسى ذا العود يالله يسر اشجونه
انا ياطير مثل طايرن دايم بلا جنحان = والا من بان فوق ريش حسادي ينتفونه
المهاجر=
ابي لي فارس صنديد اهزمه واتركه مرضان= بطعن ما خبر مثله يزيده نزف بطعونه
انا ما انصى الجراد ولا اكل الضبان والخيفان= ابي لي صيدة دسمه من الأكلات مامونه
فلاح=
ترى عنتر وابو زيد الهلالي راحوا الصمان = وانا وانته نلالي بالهلاليات والعونه
المهاجر=
واذا منك تبي شوري تباعد دامني جوعان= تراني مارحم المجنون ازيده جن بجنونه
امد الرجل دام الفارس المغوار في الميدان = اتاكم كنه البركان لايمكن تردونه
فلاح=
انا ياعود بالبسك في ذالليله القرطان = وباخليك عبره عند من باعه ويشرونه
صنداح=
انا اشوف المهاجر ثابتٍ في حلبة الميدان = ولا كن احد فيه وكلمته بلحيل مازونه
بومياس=
الا ياعود لا جاء الليل تركت الانس وركبك جان= تفرعن عودنا ياناس وشياطينه يزودونه
المهاجر=
انا من قبلها بعتك وشريتك شرية الطليان= ونتفت الصوف وقورنك بشلفى حيل مسنونه
فلاح=
ابو مياس مثل البدر كنه حاكمن سلطان = من ارجال الكرم والجود والعادي يردونه
المهاجر=
ابو مياس نجمه تختفي لاشافت الركبان= ومثلك جاهل بالكوكب الدري يذكرونه
منصور=
سرى ليل الفطاحل واعوذ بالله من الشيطان= مناعير ٍتحاور كلها بابيات موزونه
صنداح=
ونعمن ياثنين وفيه ضلع اكب من الظلعان = تشوفون الضلع هذاك ولا ماتشوفونه
فلاح=
افا ياعود وشبك تخفي الشارات ياراكان = نهار تقول هذا صاحبك ونهار تخفونه
المهاجر=
عمايا ربعنا ياصاحبي وش حيلة العميان= سوى يمشون في الظلما على درب يدلونه
منصور=
الا هيدو على انفسكم عسى ماركبم الجان = وخلوها على السيده ترى السبدات مامونه
فلاح=
هلا منصور يالذيب الذي جانا معا الركبان = ترى صاحبك متوهق مع قيصر وقانونه
المهاجر=
اذا من اجتمع عودين ترى رحتوا بإن وكان= وحتى لو تجيب المري اللي الجن ينصونه
صنداح=
ولا ياربعنا مافيه علم الا وله ضمان = وانا ماهمني هرجٍ على الغرة تهرجونه
منصور=
تولم ياعميلي واظهر القوه على العصيان = ترى القوات بريه وبحريه ومسكونه
فلاح=
انا ياعود ودي تفتهن ونروح للصمان = نسوي خيمتين ونترك العالم ومضمونه
المهاجر=
ترى البحر المهاجر لاهدر يطلع عن الشطآن= بزلازيل وبراكين وحمم من نار بعيونه
بومياس=
يابن منشار هذا العود متفرعن مثل هامان= بس اشوفه يبي فزعة قضا قازة ومكنونه
فلاح=
هلا يالمري اشبك صرت تمشي مشية الغربان = تطامر في قليب ابليس والرمعات مكنونه
منصور=
يبي مشعابك اللي تذكره ايام بالشبان = تولم له يبيمنك على القرنين تصكونه
المهاجر=
وجاك الشمري يختل مثلما تختل الديبان= ولا تدري بأن الذيب لايمكن يلدغونه
صنداح=
خاف الله كيف تذبح شايبك يالفضاي المليان = لاوالله جاني المري مغير يعد طبلونه
بومياس=
الى هالحين يالمنتوف وبك حيلٍ على القيفان= ترى هالقاف ماينفع مع الشيبان بلحونه
المهاجر=
اذا من تسمع المدفع ولو صرقع فهو عطلان= يكفي نفخة للطير تردع به على سنونه
منصور=
اجل عمو عليك ابهم شلة القوم والمعطان = تحمسهم تفرمهم تسويهم بطاحونه
صنداح=
ذبحك الفول يالمري وتخلطلك معه قرصان = لكن انشدك من اللي على شانك يسوونه
المهاجر=
انا عندي حبل يكفي اجمع به من الضبان= وعليك النار ياصنداح بالمظبي يطعمونه
بومياس=
ايا صنداح لاتقرب الى الحلبه ترى لك شان= وخل الشايب المجنون اذا جنه ينفعونه
منصور=
عليكم به ترى صنداح يتحمل على النيران = ولو تقلوه بالمقلى فلايمكن اتصيدونه
المهاجر=
بعدي يامسندي اعرفك قرم فارس الشجعان= عليك حماية الميمن وانا باليسرى مضمونه
صنداح=
اشب النار وارميها سواء مهه ماحصل ماكان == ثلاثه واربعة واثنين احط العود بعيونه
منصور=
الا يالعود انا اربط وانت تجيب لي العمدان = وعليك الضرب بالمليان وانا اعطيك بالمونه
المهاجر=
وصنداح البطل شال العلم في مقدم الشجعان= على فارس على روما ومنشار بلا سنونه
فلاح=
اشوف المطرقه تطرق وراسك تحتها سندان = فلا تاكل من الشامي ودع موزه وزيتونه
المهاجر=
ترى راحوا وطي وتفرقوا في الشعب والوديان= يحسبون الأرض من حولهم بالجن مسكونه
منصور=
وابو مياس خله عنك انا له جاهز من هان = اباارميه بصواريخ القذايف هلت اسنونه
صنداح=
انا غلطان يوم العلب مع الشيبان والورعان = كبير السن اعرف الناس وايد مايحبونه
فلاح=
الا ياعود مثلك مايجي لقمه على النيبان = وراك تكرر المقفي وتخفي اعيون مخزونه
منصور=
وحنا انقول ياصنداح جنب حلة العربان = ترى اهلها قويينن بعون الله مامونه
المهاجر=
ابو مياس حط الرجل وورط فالح الرمان= نبي ناسمه في العلبا لعل اهله يعرفونه
صنداح=
انا اغض البصر ماودي اكشف خلةالجيران = واثر جيراننا لاشافوا مطرف يهفونه
فلاح=
الا ثار اللغب مايشرد الا راعي الخذلان = وابو مياس متواجد وله رميات مكمونه
المهاجر=
واذا من سلم سلاحه وتعوذ من اخا الشيطان= عفونا عنه دام الأمر بيديكم تحلونه
علي=
صغير العمر لكنّه كبير الفعل بالميزان=يقدّر كل من يستاهل التقدير ويصونه
صنداح=
واعرف العقرب ام اذنيب ماتمشي مع الديبان = بلاها في ذنبها سمها بلحيل ملعونه
فلاح=
انا ماجيت متعني سوى اني الفارس البطران = ومن يوقف بدربي خل خويانه يشيلونه
بومياس=
هذا المري مثل ابليس يوز الشايب الخرفان= ومايصدق خبر هالعود وجنونه يوزونه
منصور=
ترى محمد فقير لايهمك يوم جى فزعان= يبي معهم ولا يدري بشي هم يسوونه
المهاجر=
انا بنشر وانا بقشط فلاح بجربعة بران= وادخله الحديقه كود بعض الناس يدرونه
صنداح=
ولا يالفارس البطران لا تغزي بدون حصان = اخذلك واحدٍ بطران مثلك واركب امتونه
فلاح=
انا كنت احترم سنك ولكنك من الضبعان = تبي تاكل عظام وتترك الباقي يدهكونه
منصور=
ترى ياعم عندي خرج به حيه مع ثعبان = ابيك اتجي بهم الأن ندخلهم معى الغونه
علي=
شكيت الهم لصحابي وانا في شكوتي غلطان= صحيح اللي شكى همه لغير الله يدوسونه
منصور=
اشوف القاف قام ايخيط ويطامر على الضلعان = وبه زينن وبه شينن علا ماذا تصيغونه
فلاح=
بعيده هقوتي وانته تناظر داخل الحيطان = وانا من بعد نجم اسهيل والعالم يضنونه
بومياس=
انا ادري فيك يامنصور جربوعٍ بليلٍ بان= وصيدك ماصعب والله وبعقالٍ يصيدونه
منصور=
مادام انها كذا يالربع خلوها توقف هان = اخاف القاف يطمر بالبعض بالنار بردونه