ديون راعي البيت والبقّال كيف يسدها

[سعود المسعد]

ياصاحبي وش مشكله لو زادت اسعار الحديد=المشكله قوت الفقير اللي يده مامدها
قبل امس احدهم في البقاله راح ماخذ اللي يريد=يشيل حاجاته من اعلى ارفوفها ويردها
مافي يده مايدفعه قيمه ولا عنده رصيد=وديون راعي البيت والبقّال كيف يسدها
ياحي ياقيوم يارحمن لطفك بالعبيد=يارب وسّع في مداخيل العباد ومدّها
نمسي ونصبح واكثر الاشياء لها سعر جديد=مطامع التّجار من ياقفلها ويحدها
ماهي بتنزل عن معدلها الجنوني بل تزيد=وان مانظر في وضعها لابدها لابدها
تخلي المحتاج عن توفير حاجاته بعيد=واماله اللي كان بانيها عليه تهدها
ياخوانا التجار بالمعقول كل(ن) يستفيد=ارباحكم في خانة المعقول ماحداّ ضدها




زيد بن راجح
صح لسانك اشهد انك جبتها
جزله من راس جزل
وتعالج قضيه تهم الجميع وملموسه
اسال الله ان يفرجها علينا وعلى اخوانناالمسلمين
وفيت وكفيت