بن خزيم (ويامكتبتك) في مدارات الجزيرة

[علي ابو عمار]

فاض القصيد اللي توزى عن الناس =

غصبٍ نثرته لو بيوته شويّه =

أكتب وأبا اكتب دامني متعب الرأس =

واسيّر المعنى وأبا اظهر خفيّه =

منها جفيت النوم والبال منحاس =

ما غير افرّك مسبحي في يديّه =

على وليفٍ يشبهه ظبي الأطعاس =

أرقب خياله بين روحه وجيّه =

ما هي ذهب إلا ياقوتٍ والماس =

من حسنها غارت سببها الثريّه =

وما أقدر أوصّف منيتي كلها إحساس =

تقصر بيوتي مع حروف أبجديّه =

وما لوم راسي لو طغى فيه هوجاس =

من سبّها قلبي لحقه الأذيّه =

يا بنت روفي والمعاليق يبّاس =

والحال تنقص والليالي رديّه =

حاولت أنا أنسى لكن الوضع حسّاس =

كل ما يمر الوقت ارقب مجيّه =

يا ما كتبتك عشق في وسط كراس =

ويا ما قريتك ورد صبحٍ نديّه =


عبدالكريم بن إبراهيم خزيّم


الشاعر الكبير صح لسانك وتستاهل اكثر يابو ابراهيم


وعلى الدوم ان شاء الله