صدى صوت صنداح

[نجم الإبداع]

الاخوه والاخوات الكرام

هذه القصيده شرفني باسنادها
الشاعر الجزل
اخي صنداح الزلامي


رسالةٍ با حلـى الكـلام محبوكـه=تاصل الى الشاعرفلاح بن منشـار

عبر الجهاز اللي توصـل سلوكـه=وعبر الفضاء تاخذ لها عـدة أدوار

ابيات شعـري وافيـه ومحكوكـه=بيطار وارسلها على رجـل بيطـار

اعرف دهات الشعر واعرف ملوكه=الى عـدو الشعارعديـت منشـار

وفلاح له قافٍ قوي فـي سبوكـه=فلاح مثل السيف والسيـف بتـار

خصام لعيـون المعاديـن شوكـه=وبالطيب مايلحق له اشبار واشبار
واشاعر اللـي مايجـود صكوكـه=الى صعبة القالة وجت بالنباء الحار
تضعف محاريف وتكثـر شكوكـه=ويقـل وزنـه يابعيديـن الانظـار

وحتـى ولوانـه لسانـه يلوكـه=لا نافعٍ نفسه ولا هو لاحـد ضـار


وهذا هو ردي
والمعذره على القصور



يامرحبا بالجزل لاسمْح بوكه=واختار له صنداح منزل ومقدار
ساقه من الهاجوس محسن سلوكه=فوق الثرياء كود يرصده رادار
من الجواهر قافيتْه مسبوكه = جتنى الرساله جابها صحن دوار
ولد الزلامي من وقع في شروكه=مافاده اصحابه ولا نفْعه انصار
من قاعده صلبه مهي شرب كوكه=للعرف ناس وشفت صنداح مغوار
الشاعر الي محترف في شبوكه =يرسل صواريخه على الفين طيار
سوالفه ماهي تجيك معكوكه = من بيت عرف ولابته تحمي الجار
يقول وش رايك براعي الكوكه = لاهو رحم نفسه ولا ريّح المار
قلت انطلق والقاف عندك مكوكه =وانا معك رائد فضاء فاطو الاسفار