خـــسـارة أيامـــنا

[عيد مشعل]

للتواصل






يلي تغطرس ولا أنت مقدر الخوه=والمشكله إني بحبك سارحن ضاوي
أعلاه في أسفله وأسفله بعلوه=تهت إبمتاهات وإسمع همي العاوي
لو الله ألا غدا في حبك غدوه=وأحتار في حب لايرحم ولاياوي
تكدرتله حياه ولاصفى جوه=والعشق يلي تعرفه ماله مداوي
أعذب من الرش لامن جاك من نوه=وأطيب من المسك وأطيبلك من الجاوي
توهني بزينه إللي مثله يتوه=حتى وأنا إلكم فطين أصبح لكم غاوي
ليه الجفا والوفا شبيتلك ضوه=وليه القسى ليه يومه طيب وحاوي
وليه العناد إزدياد وفيكم جروه=وإن جيت ياصاحبي وإن رحت متساوي
وليه العذاب وغياب ودايم جفوه=يئست منكم ومنكم شابعن راوي
ياناقض العهد بالله عهدكم طوه=مامن مشاعر على ساس إنك فداوي
يومني أحبك وعشقي لك بقوه=يومني أعزك وماشي لك مهاوي
المشكله دايمن مزاح ومفوه=وأنا بطاعتك وأنته دايم نحاوي
أنا أشهد إن قلبك إنه مابه مروه=يلويه عن طيبتي ومحبتي لاوي
توه يذوق الغدر في دنيته توه=من يوم شافك كويت القلب يالكاوي
هذا وأنا الغالي وأنت مقدر سموه=ياقشرها نيتك وأنا الذي ناوي
خسارة أيامنا والحب ورجوه=هقيتبك مالقيتك كفون وقاوي
من بعد ماكان شوفتكم لي منوه=هالحين ذكراك يطوي قلبي الطاوي
هذا عتب وإذ كر الشرهات وهجوه=وإذكرلك العاشق إللي كان لك هاوي


عيد مشعل