حضوري الأول

[رفيعة الشان]

السلام عليكم ورحمة الله وبركاته

حضور أول متواضع بين فطاحلة الشعر عسى أن يرتقي للذائقه


لبى العيون اللي شكت وحشة الليل=لبيه ياصوتٍ حزينٍٍ دعاني
قمة رسول الوجد يا مدعي ويل=صوتك ذبح حسي وزلزل كياني
أرجفت ذاتي ياحسين التعاليل=وشفت الحزن لشموع ليلي غشاني
إرحم هدب سودٍ بعينك مضاليل=لا تظلمه ياسيد كل الغواني
لا تتعب عيونك بمسح المناديل=اللي بلاك اليوم قبلك بلاني
قلبي كما قلبك عجز حمله يشيل=أيام حزنه00 والفرح له ثواني
وسط المحاني جر حزن المواويل=يسري بي لذكرى بغابر زماني
ذكرتني باللي كما نجمة سهيل=كريم في ذكراه 00لكن كواني
بيني وبينه صك باب المواصيل=ظروف وقته وادري إنه يعاني
تبقى هواجيسي على قرًح الخيل=يمكن بحلم الليل خلي لفاني
وراحت حياتي كل ابوها غرابيل=ناسٍ تهدم اللي من سنين باني
ولبى العيون اللي شكت وحشة الليل=لبيه له لبيه لبى المحاني



صح الله لسان الشاعر ,, قصيده رائعه وابيات جميلة جدا