[ هلال البطولات]

[مبروك بن ماضي]

بسم الله الرحمن الرحيم
قصيدة في تهنيئة نادي الهلال بمناسبة حصوله على بطولة الدوري السعودي







مـبروك فــوزك ياهـــلال الـبـطولات = تســتاهـل الـدوري ودرع البطوله
ماهـو كما قال الـمـثل جـت كما جات = لي من بغـيـت الـفوز تـقدر تطوله
ومن راس ياسر جات خير وسهالات = محـدٍ عـن التـهـديف يـقـدر يحوله
له في الملاعب دوم صولـه وجولات = يختال في الاسـتاد عرضه وطوله
يـعجـبـك لانـاور ويـعـجـبـك لا شـات = ويعجـبك لا سـدد في الخصم قوله
من يـشــبـه الـقـنـاص يانــاس بالـذات = لما يـنـيـشـن عالهـدف صفقوا له
مايخـطي الـمرمى من ابعـد مـسـافات = يعطي اللعب حقه ويـتـقن اصوله
وللموج الازرق كل يوم إنـتـصارات = يجـيـبـها لى من طغى/ بالـسهوله
وبالأمـس خـلى خـطـة الإتـي اشـتات = ماغـيـر شـفـتـه غارقٍ في ذهـوله
لان الزعـيم زعــيم في كل الاوقـات = محدٍ يجـي في قـمـة المجـد حـوله


مبروك بن سالم بن ماضي