الجنيّّه

[ابومياس]

السلام عليكم

انصحي هالقلب ياحوريه = اشهد انه حيرنّ واشقاني
ايش اسوي فيك والا فيّه= والمخاطر منهم تنصاني
كل يومٍ واقعٍ في هيّه= ياعسى الله ينقذ الوحداني
والامل بالله دام النيّه=صافيه ياوردة البستاني
ومالنا باالناس روحه وجيّه=ومن بغانا يعرف العنواني
ومن تعنى حيّه الله حيّه= مرحبا واهلين بك يالعاني
والنفوس اللي بها مبليّه=عندنا له نصح بالمجاني
وكانها صارت لهم جنيّه=استعنا في خبير الجاني
السور مقريةٍ مقريّه = فوق راس اللي بهم شيطاني
نخرج جنونه ولوهم ميّه= والسعه والضيق شيءٍ ثاني
من كوته الشمس راح الفيّه= وقطرة الماء منوة الضمياني
هي حروف وطالعه مخفيّه= والمعاني تحت ساس الباني
دامني بحار وانتي بميّه= شغلتي اغوص للمرجاني
وكل حاجه ضايعه ملقيّه = والسفينه قادها الرباني
انصحي هالقلب ياحوريه= دام رب البيت لك خلاني