كشكول الكيان كيانيه

[الكيان كيانيه]

راسك علامك رافعه يوم احاكيك ,,الظاهر اني فـوق حجمـك عطيتـك

لحظه .. نبي نرجع دقيقـه لماضيـك ,, بذكـرك فـي أي حالـه لقيتـك

كان الضياع ودمعتينك تخاويك ,, منهـار وفـي عـز انهيـارك خذيتـك

وارخصت عمري لجل احبك واداريك... هدمت قصر الذل فيـك وبنيتـك

كان الغلا شمعه تنور لياليك ,, ولـو اظلمـت دنيـاك جيـت وضويتـك

يالاسف كنت امدحك وافتخر فيك ,, رفعت مـن شانـك وعليـت صيتـك

كنت انت .. عندي غير ومقدر اخليك ... واموت واحيا ان قلت سم وفديتك

واليوم اشوفك خنت حتى مباديك ,, صغرت في عيني وانا اللـي هويتـك

الضيف لو انه عـدوٍ معاديـك ,,غصـبٍ عليـك تقـدره وسـط بيتـك

ياصاحبي بتموت ماني براجيك .. واشـره علـي انكـان حتـى طريتـك

لاصار ذل النفس في قلب يغليـك ,, يلعنـك ياقلـب ٍ عشقـك وشريتـك

اضحك حبيبي دام وقتك مسليك ,, باكر تمـوت مـن القهـر لا نسيتـك