(صنداح)عذاب المحاميس

[عبدالله الشويمان]

لسلام عليكم ورحمة الله وبركاته..
أوجه هذه الابيات الى الشاعر صنداح العتيبي(الكايد)..
رد على قصيدته المرسله الى سليمان السكيبي(سناعيس).
والذي يطلب فيها ايصال تحيته الى ربعه الفطاحله..
من هنااااااااااا (http://www.fatahilah.com/showthread.php?t=21041)
والابيات اقول فيها:


وصلت تحيات الوِفِيّ مع سناعيس=والله يجمل حال راع الجماله
صنداح مرسلها عذاب المحاميس=اللي بحمساته معذب دلاله
يحوفهن بالبن الاشقر مع القيس=الهيل هندي وابو شيبه كماله
هي عادة الهيلا هوات النواميس=وهو مع العاده قويه حباله
أهدى بيوت الشِّعر جِزلٍ ملابيس=من المعاني النابعه من أصاله
فيهن ذكر اسماء رجالٍ متاريس=في علم غانم طيبين السلاله
الفٍ هلا فيهن اعداد النسانيس=واعداد من يؤمن برب الجلاله
رد التحيه واجبه بالمقاييس=لإبن الزلامي ونسأله عن حواله
الله ياقاه الخطر والمناجيس=معه سناعيس الحميده خصاله
وسلامتكم
عبدالله الشويمان-الرعد 15/5/1429 هـ