هرجتي ماتحجب ماعليها حجاب

[بنت القصيد]

للتواصل مع قلوبكم

.
.


صابني من مصاب الغيد سوّ المصاب=مالقيت العوين ومالقيت الخدوم

يافقير المعاني ياغني الزهاب= لاتعجل زهابي عن وضيع محشوم

ياوسيع البطاين ياعزيز الجناب=مايفيد التوجّد في كثير العلوم

لا لقيت الاماني تتحد بالعذاب=تنطلق من خيالي زي طلق السهوم

اسمع العلم دامك جيت تقرا الكتاب=ماتحقق اماني لو تزود الحلوم

لنّ بعض الاماني فوق هام السحاب= عازله نفسها وتعيش فوق الغيوم

يابعيد الهقاوي وش يفيد العتاب=روّح الدرب من شان الجزايل يشوم

يصرخ الدرب لاكن دون سمع الجواب=مابقى في رصيفه غير بعض الرخوم

ما دريت الضحايا يوم راحو شباب=شيّبوا في جديدي والعمر ما يدوم

البقا في جزيلك ياهجوس الغياب=باتحيزم بطرقك واعتزي بالقروم

هرجتي ماتحجب ماعليها حجاب= فرّعت دون خوف امن الكدر والضيوم

هاجسي قوم دافع لا غزوني ذياب=يرجع الذيب ينبح بالهموم مغموم

يامصابي قطعتك ضيم من قوّ ناب=مابغيت العوين الا اللطيف الرحوم