عالم الطيب

[تركي علي القثامي]

عالم الطيب


ترى الرجل في عالم الطيب له شأن=ولا يأكل الا من مكاسب يدينه
وعلى دروب المرجله مثله يبان=يبذل ماتدري عن شماله يمينه
نفسه عزيزه ماقبل يوم ينهان=حاز المراجل والعرب خابرينه
على الفزايع فزّته فزت حصان=يطلب من الله دايم إنّه يعينه
من جاه يبشر كاين ٍ وين ماكان=له وقفة ٍ للكل بيضاءحسينه
مبداه كنّه ضربت السيف شامان=تعبان من هو حاول إنّه يدينه
بيته مشّرع للكرم دون بيبان=ضيفه إلى من جاه حط السمينه
على الكرم مفطور من رب منّان=يبذل ويبذل ماسمع حاسدينه
معطيه من هو رازق الإنس والجان=الواحد المعبودمنج السفينه
وألا البخيل إن عاش لاشك مرضان=محروم حتى من رضا والدينه
حب الدراهم يعشقه عشق شفقان=ومهما ملك ياناس حاله غبينه
قلته وعذرا َإن حصل أي نقصان=شعورشاعرإكتبتها يمينه

تقديري للجميع ,,,,,,,

ونعم يابن خزيم
صح لسانك يارائع
لا بالله كملت وجملت ولا حصل نقصان
ولا تركت شي من العلوم الطيبه
تحياتي