يا الله لا تبلانا

[محمد العمري]

ياعالم النياتي=ياغافر الزلاتي
تغفر لنا مافاتي=يالواحد الدياني

يا من بيده رزقي=يا مكتفل بالخلقي
ياالله منك العتقي=من نزغة الشيطاني

عبدك لجى فالطف به=أنت الذي تعلم به
يرجيك تغفر ذنبه=لا لمته لكفاني

من سمع نبرة صوتي=قال انت حان الموتي
عايش كذا مبهوتي=شالسالفة يخواني

محتار من دنيانا=يا الله لا تبلانا
رجواي يا مولانا=اختم لنا باحساني

عقب الغلا والشيمة=أصبحت مالي قيمة
والجو بيّن غيمه=والحقد توه باني

ناس تبي تعقيدي=تخطيطها تنكيدي
ما جابها ياسيدي=كم حاولت نكراني

متأمرين ضدي=وانا لهم متصدي
مهما الجدال اشتدي=ما يكسبوا عدواني

أخشى تطول القصه=والشرح نكثر نصه
وانا اعتبرها فرصة=لا ينفجر بركاني

ناس تبيع اذممها=كيف أستطيع أفهمها
الدين ما حكمّها=تحكي بلا برهاني

في هرجها خداعة=في غيرها طماعة
لو ظاهرت بالطاعة=مكنونها خرباني

لا بارك الله فيها=من يختلف خافيها
كيف أقدر أثق فيها=بالله ياعرباني

وسلامتكم