يطيرالطير

[تركي الجسّاس]

يرغب يطيرالطير في وقت الأسحار=ويسبح على غيوم ٍ جناحه ولفهـا
يازين حاله ماهوى درب الاشـرار=ولا شال همّه طاير ٍ فـي كنفهـا
وانا بدنيـا ً كنهـا وقـدت النـار=والذنب حبل ٍ لويدينـي كتفهـا
أسألك ربي منزل الغيـث مـدرار=خفف ذنوبي وحدك اللـي عرفهـا
والخط واضح باين ٍمابـه اسـرار=سالت دموع العين قلبـي ذرفهـا
كيف إن ولد اللاش بالخلق قد جار=ونذالتـه بالكـون يامااقترفـهـا
مغرورمتغطرس على كـل الأدوار=والمرجلـه ياكيـف هـذا حذفهـا
يما نشوف الطيب ماعـاد ينـدار=وبعض المراجل وقتنا قد خطفهـا
عشنا زمان ٍ يفزع الجـار للجـار=والا الأمانه ماذكـر مـن زرفهـا
والناس كانت بالصفاء لول محـار=وماهمها كلب ٍ نبح فـي طرفهـا
واليوم حدّث لا حرج صارماصـار=كيف الـورع حتى النذاله ولفهـا
وصار الحكي بالناس وتقول منشار=وجلودخلـق الله تظنـه علفـهـا
والختم صلوا عد ماطايـر ٍ طـار=على النبي المصطفى ذاشرفهـا

شكرالكم جميعا.