يا صاحبي خلنا بين التقى والعفاف

[الطامي]

يا صاحبي خلنا بين التقى والعفاف= الله يا كبر غلطتنا ويا شينها
لوشافنا يا وليف الروح ناس خفاف = الكلمه العايبه ما اكثر مودينها
ويصيب نبع المحبه يا حبيبي جفاف = وتموت كل الثمار اللي على حينها
ويضيع وقت اللقا بين الجبل والضفاف = وقلوبنا تنفطر سبة مكيدينها
ويصير بعد العطا منع بغيض وكفاف= وننسى ليالي بناها الشوق وسنينها
وتبقى المواعيد مزحومه في الاصطفاف = لا هي تنفذ ولانعرف عناوينها
ويلفنا الهم والحزن الخطير التفاف = واماني الحب ما حنا ملا قينها

القرني
يسرني ان اكون اول من شاهد وتابع هذه الباسقه
يالها من ابيات تحمل اجمل العناوين بطريقة مهذبة ممتلئه بروح الحب والرجاء
صح السانك ولاهان فكرك وسنانك