ضعيان البدرانى
19-06-2008, 03:47 AM
قصيدة للشاعرالمخضرم:عبدالله بن زويبن الحربي
ياسيد الأحباب زحت الهم عن بالي=عندك بكسب الحبايب دبلوماسيه
لك فرصة تجمع الغالي مع الغالي=من غير موعد تجي وتروح عفويه
أخذتني من معاصير أشهب اللالي=ورمستني رمس بأجواك الرومانسيه
حطيتني عن لهيب القيض بظلالي=ودفيتني من هبوب المربعانيه
وغطيت وجه السما بغيوم وخيالي=والأرض غطيتها بورود سحريه
متشابك نبتها من كل الأشكالي=فيها النواوير تقل نقوش زوليه
وصممت طيارة تصميمها عالي=ما صممتها الولايات المريكيه
من غير كبتن تجول فوق الأطلالي=غزيت زر المحرك وأقلعة فيه
طارت عن الأرض مليارات الأميالي=شوي وإلا لمست الشمس بيديه
تحطمت بالمضامي والخلا الخالي=جيعان ضميان لا هذي ولا ذيه
متعلق في عمود الياس بحبالي=متلولح ما تطب الأرض رجليه
جميع ما شفت بس أشيا تهيالي=ظنون وأفكار وأهام خياليه
ياسيد الأحباب تضرب فيك الأمثالي=من ماضي الوقت لك حسنه ولك سيه
حسنتك تجمعلك أجيال مع أجيالي=العالم الميته والعالم الحيه
سيتك تستر بوايق كل ختالي=تحت كمومك يعيشون الحراميه
ياسيد الأحباب زحت الهم عن بالي=عندك بكسب الحبايب دبلوماسيه
لك فرصة تجمع الغالي مع الغالي=من غير موعد تجي وتروح عفويه
أخذتني من معاصير أشهب اللالي=ورمستني رمس بأجواك الرومانسيه
حطيتني عن لهيب القيض بظلالي=ودفيتني من هبوب المربعانيه
وغطيت وجه السما بغيوم وخيالي=والأرض غطيتها بورود سحريه
متشابك نبتها من كل الأشكالي=فيها النواوير تقل نقوش زوليه
وصممت طيارة تصميمها عالي=ما صممتها الولايات المريكيه
من غير كبتن تجول فوق الأطلالي=غزيت زر المحرك وأقلعة فيه
طارت عن الأرض مليارات الأميالي=شوي وإلا لمست الشمس بيديه
تحطمت بالمضامي والخلا الخالي=جيعان ضميان لا هذي ولا ذيه
متعلق في عمود الياس بحبالي=متلولح ما تطب الأرض رجليه
جميع ما شفت بس أشيا تهيالي=ظنون وأفكار وأهام خياليه
ياسيد الأحباب تضرب فيك الأمثالي=من ماضي الوقت لك حسنه ولك سيه
حسنتك تجمعلك أجيال مع أجيالي=العالم الميته والعالم الحيه
سيتك تستر بوايق كل ختالي=تحت كمومك يعيشون الحراميه