((( خـشـف ا لـمـهــا )))

[محمد بن عمار]

السلام عليكم ...


وش مكسب اللّي حال بيني والوليف
................... راعي الضغاين . نافخ ٍ أبواقها
خشف المها . بالزين ما معها وصيف
.................. ما بالعذاراء . أحد ٍ جماله فاقها

عودة مع الشعر وشموخ ذوائق
أعضاء صرحنا الباسق ( الفطاحله )
من أخوكم / محمد بن عمار مشاركة جديدة ...

((( خـشـف ا لـمـهــا )))


يالله طلبتك يالولي وأنت اللطيف = يارافع ٍ . سبع ٍ . بعالي أطباقها
ترحم عليل ٍ شايل ٍ حزن ٍ كليف = مر المصايب . في حياته . ذاقها
جرّيت ونـّه هزّت ديار القطيف = وهزّت أراضي الشام وأرض عراقها
منها خفوقي بالحشا يرجف رجيف = نار ٍ بصدري ضامري ما طاقها
أونّ . من جرح ٍ بقلبي له نزيف = والدمع وسط العين . زاد إغراقها
أهل النمايم . ما لهم قصد ٍعفيف = دايم عروض الناس . بين أشداقها
تضحك وبين أنيابها موت ٍ مخيف = مثل الحيايا . السّم . في ترياقها
ناس ٍ تعاديني على شي ٍ طفيف = ما احد ٍ سلم من نارهم وإحراقها
فرقا الشّمل ماسنـّه الدين الحنيف = ولاهوب من طبع العرب وأخلاقها
وش مكسب الليّ حال بيني والوليف = راعي الضغا ين . نافخ ٍ أبواقها
خشف المها بالزين مامعها وصيف = ما بالعذاراء . أحد ٍ جماله فاقها
العين خرسا والخصر مبري نحيف = والنور بالوجنات . زاد . إشراقها
والشعر منثور ٍ كما فلوة . شريف = يسبح . على الأمتان واصل ساقها
فلوة . فلاة ٍ . توّها غر ٍ . عسيف = معفاة ٍ الخدمة . وكثر. إرهاقها
دقـّت بقلبي خنجر ٍ حدّه رهيف = قطعّ سراجيفي من أقصى أعماقها
حبّي لها مبني على ساس ٍ نظيف = على عهود ٍ . مبرم ٍ . ميثاقها
ياعاذلي في حبها . عقلك خفيف = روحين داخل جوف صعب فراقها

محمد بن عما ر