عسى ربي يديم المعرفه

[عبدالله الشويمان]

السلام عليكم ورحمة الله وبركاته..

احبتي اليكم ازف هذه الابيات ..

اتمنى ان تصل الى مستوى الاعجاب..


سلام الله عليكم يا رجالٍ للوصل رامين=فطاحل يالفطاحل وصلكم يشرح لي البالي
صحيح ان التواصل بينكم بالنت وضعه زين=عبر صفحات موقع للفطاحل طبتوا الفالي
وعلى وضح النقا للمرجله في دربكم ماشين=فيا نِعْم الرجال اللي تبون المنزل العالي
وهذا اليوم وجه بوجه شوفتكم تسر العين=وانا والله يشرفني اصاحب نقوة رجالي
تحديتوا كثيرات الصعاب إبقدركم لا فين=رباط الود يجمعكم بهذا الملتقى الغالي
عسى ربي يديم المعرفه والود يالغالين=وعرف الطيبين امثالكم أشريه ما بالي
وش الانسان من دون الصديق وصحبة الوافين؟=سواته كنه المجدور منفي بالخلا الخالي
هلا والله فيكم يا رجالٍ بالوصل وافين=فطاحل يالفطاحل وصلكم يشرح لي البالي
وسلامتكم
عبدالله الشويمان-الرعد