الحـر صار اليوم للبـوم صـيدي

[حي الضمير]

كيبورديه
اتمنى ان تقبلوها ...وهي عباره عن رد لقصيده ارسلت لي من زميل عمل

اليكم القصيده



ياحي قافن جاني باجمـل عبـاره=من ناصر اللي جعل عمره مديدي
فيها المعاني بيـن جـد وعيـاره=ومثله خبيرن بالمعانـي يصيـدي
والمسأله ماعاد فيها شطاره=وانشد علي يعطيك علمن وكيدي
وياليتها بهرج المسمى شراره=للسايقين بكل صبحن يعيدي
والخط هيّن لو تزاحم مساره=يروح وقتك بين قاف ونشيدي
مير البلا هالألمعي شن غاره=ومدله باللوحـه كـيبـل حديـدي
متعدين علـى حقـوق الـوزاره=ولامنهم اللي قال قـولآ رشيـدي
جازت له اللمعه وشرب الغضـاره=حيثن لقالـه بالـوزاره عضيـدي
ولامن امر جبار يرفض جبـاره=وراحن ثلاث شهور مامن جديدي
والذيب خالد ذاق منهـا المـراره=وفلاح منها صار ساعـي بريـدي
وسماح صـار معقبـن لـلأداره=وياكثر مادون بهـا ارقـام قيـدي
وصرنا بسببها بين طشلي وجاره=مثل المطيه في يديـن الرشيـدي
واللي مع الايـام هشـن جـداره=ابساس جاره تاخذ اللـي تريـدي
وقالوا نعيش بعصر فكر وحضاره=قالوا تساوى سعيد واحمد وعيدي
قلنا العفو حنـا بزمـان الحقـاره=الحر صار اليوم للبـوم صيـدي
والذيب كّبـل ثـم حـط بمغـاره=والحصني هيمن ياخذ اللي يريدي