حان وقت الاختبار

[عبدالله الشويمان]

اليكم بهذه القصيدة من الارشيف..لعلها تلقا القبول..
متمنياً ان تنال اعجاب الجميع..

حان وقت الإختبار
يا فخر اهلكم كان فزتوا بفتخار=يا ذخر اهلكم كان جاد لهم ذخَر
صحوا العقول ولا تصابوا بانهيار=نبي عزايم صامداتٍ كالصخَر
هموا هممكم لاجل تجنون الثمار=ومن جد ياجد حاصلٍ به مفتخَر
لابد بذل الجهد حان الاختبار=وما خاب من يسعى الى علمٍ زخَر
اولادنا تكفون شبان وصغار=قدام سيروا لا رجوعٍ للوخَر
بعد اللقاء تحديد موقف وانتظار=نجاحكم او جا رسوب ٍ به سخَر
ومن فاز بالعليا محقق انتصار=ومن يهبط السفلى ترى عظمه نخَر
وانا الذي اطلب بليلي والنهار=ربي يوفقكم اقوله في فخَر

عبدالله الشويمان-الرعد 24/4/1426 هـ
مع تمنياتي لأبنائنا وبناتنا بالنجاح والتفوق..
ولكم خالص التحية