[حآآآآآآلة قلق]>>!!

[مبروك بن ماضي]

(حالة قلق )
*********
حالة قلق تنتابني حين مولدك
هاجس يسمونه مخاض القصيده
***
وآعيش في لحظة ترقب لموعدك
نـاطــر بكل الشوق فكره جـديده
***
قصيدتي باسم المبادي أناشدك
تكـفـين لاتـبقـيـن عـني بعـيـده
***
أنسى همومي في حضورك وارددك
وآ كــــرر القافي مـــرارٍ واعـــيده
***
ما ودي أسـأل عنْك فكري ولا اجدك
بوجودك أتخطى الظروف العنيده
***
ودي الي مني كتــبـتـك أخلّدك
وانشرك للجمهور عبر الجريده
***
مافيه حد يقدر يصـدك ويبعدك
عـني . خذي مني العلوم الأكيده
***
أقولها وآنا بحرفي معاهدك
ما أكتبك في غير جمله مفيده
***
قصيدتي في بعض الاحـيان انا احـسـدك
لمّا أعـبّر فيك عـما أريده
***
لكن بعشـق الحرف لايمكن أجحدك
شـاعرك غـير الشـعر وش هـو رصـيده

*****************
أخوكم ومحبكم / بن ماضي