حِداء((( الملتاعه)))

[نجم الإبداع]

هدئي روعك وسمي وارسلي القاف الموافي=جونا صافي وفكرك لايروح لكل سيره
ماطلبتك لاجل ضيقه او بقصد الالتفافي = مير هاجوسي دعاني للقوافي المستثيره
كل ماناديت شاعر قام يلهث بالسوافي = تبرد عزوم المكائن قبل تاصل للاخيره
قمت اقلبها براسي وانتظر بين المرافي=وين من يرضي خيالي والحروف امست كسيره
اقتنعت وصرت صابر كن روحي بالمنافي =والمرايا شوف عيني ماتبين مستديره
قلت ياهاجوس فكري ماتت احلام الرصافي=كل شاعر حب نفسه والتحاور طار طيره
يوم شفتك قلت جرب يمكن الحره تصافي = بالنقاء والقلب صافي وانت بالقياء جديره
وانتي أعرْفك شديده تقطعي كل الفيافي=ماتهابي البحر وامواجه ولا تخشي هديره
ماغفيت ولا غفيتي والعتب من وقت طافي=ان غمينا او بدينا بالشرف ماهو بغيره
اخت يالملتاعه انتي شاعره والوقت غافي = والله انك بحر زاخر بالدرر رغم البحيره