مني ال داعي الشوق باحلى التعابير

[ماجد الزيد]

هذه الابيات ماهي الا صدى لصوت اخي العزيز داعي الشوق الشاعر سعود بن سعد الحافي
الموجود على هذا الرابط: http://www.fatahilah.com/showthread.php?t=22057





لاباس ياشاكي من الهم لاباس = ويالله عساها بالسعد والتياسير
شكواك لله كل ماحل الادماس = اخير من شكواك للناس واخير
من كل ماقلته ليا قلت باحساس= يارب عفوك ياولي التدابير
واعوذبك يارب من كل خنَـاس = ويارب عونك يا ألاهي عن الغير
يابن سعد ياسعود ياطيب الساس = من روس قومٍ بالملاقى سواطير
منصاك لي عزٍ وتاجٍ على الراس = وابشر بعزك عن جميع المخاسير
باللي تبى ياسعود وابشر بنوماس= ياشاكيٍ من شوف لمحه وتدوير
ودرباس يضرب به مثل بين الاشواس =ودايم نصيبه مايجي فيه تقصير
وانا جرالي ماجرالك من اوناس = وعزي لمن يشكي فراق الغنادير
من يشتكي منهن حصيله بالافلاس = الله ولا عشقٍ يجي فيه تبذير
راعيه دايم يصفق أخماس بأخماس = ولا له حصيل الا كثير التحاسير
واختامها بالمسك والعود والماس = مني ال داعي الشوق باحلى التعابير




وهذه تحياتي
مع اسمى ايات الشكر والامتنان فائق الاحترام واطيب المنى رعاكم الاله

رااااااااااااائعة ررااااااائعة والله والله يابو عبدالله رائعه
ونعم منّك ومن داعي الشوق ونعم المادح والممدوح
ونعم الرجال الله يجمعكم على الخير والمعروف
لك ودي وتقديري واحترامي