بديت باسم الله

[عذب القوافي]

بديت باسم الله قبل قال أو قيل=أترك حرام الهرج وآخذ حلاله
يامرحبا باعداد همل المخاييل=أهلا هلا ولكل واحـد لحالـه
ترحيبة تنقل من الجيل للجيل=الكل منا يفرح بضيف جا له
جهز الدلال وزود البن والهيل =زدها بحكر ولاتزيد بجهاله
واحرص ترى ربعك من الربع لا قيل=نقّاد كيف بكيفهم واعتداله
بدارين من عمور كعامةالعيل=من حرب ناويهم الا ويل حاله
وقرب قدوعك قربه دون تأجيل=من سكّري وخلاص واترك بداله
يسوقها احرار نسل الرجاجيل=ما صبها هندوسيٍ بالحثاله
والعود الازرق للرجال الحلاحيل=عاداتنا رمز الكرم والأصاله
وصلوا على من ذكر احمد بالانجيل=محمد الهادي عظيم الرساله

اللهم صلي على محمدوعلى أله وصحبه

صح لسانك أخي فيصل البدراني

نص وافي من وافي لله درك يالغالي

سررت بمروري على هذا النص الوافي

تقديري,,,,,