الله يرحم الحال

[الطامي]

السلام عليكم ورحمة الله وبركاته..

اليكم هذه الابيات .. اتمنى ان تلاقي شيء من الاعجاب..



يا بط كبدي من هوات المهازيل=قاموا بهذا الوقت حمله بالاهزال
يهوون حب المطرسه طايل الليل=بالشات وماسنجر وبالتك وجوال
سلم الميوعه سلمهم يالرجاجيل=مدري متى عنها يتخلون يارجال
تقل مهابيلٍ وماهم مهابيل=والصاحي منهم ما تخلا عن اهبال
ان جاء يقول الشعر قاله مصاويل=كنه على ما قالوا اغسال ومصال
تسمع لصوته كنه اللي به الويل=خانقته العبره وشكواه ولوال
يلهث ورى من يلبسن الخلاخيل=اللي مشن ابغنج في صوت خلخال
جيلن عسى الله يرحم الحال بالجيل=غرقين في سوء العمل غث الاجيال
عبدالله الشويمان-الرعد

الشويمان
صح الله السانك وبنانك وفكرك
بدعت واجدت فأصبت لافض فوك
حقيقة قول جميل ومعنى طيب وقصيد اصابت مانعيشه في هذا الزمن
لله درك يامبدع
شكرا لك عيني