لا..لا...توادعني(اغنية تديم)

[عبدالله الشويمان]

لا .. لا.. توادعني ترى مقوى الوداع= ان كنت ناوي لاتورّيني العيون
مقدر على بعدك تضيق بي الوساع = احتاج لك كالطفل للأم الحنون
احتاج لك يانور قلبي والشعاع= واحس هذا الكون من دونك سجون
البعد يتعبني يعيّشني بصراع = والحال تذوي مثلما تذوي الغصون
احاول اسلى غير يجبرني اليراع= ابيّح المكنون من خافي الشجون
لعل تدري كيف مالي مستطاع= تبعد وتتركني لشكي والظنون
مابين خوفي منك تسلى باقتناع= وما بين خوف من القدر لحظة سكون
فحلو الليالي كم تفاجئنا بخداع = ياسرع ما تقلب وتشبعنا طعون
لا.. لا.. توادعني وتتركني بضياع= خلك معي ان كان لعهودك تصون


الله الله

صح السانك يا ابو عبدالله

دائما جزل يا الجزل

دمت بخير وصحه وسلامه ولا هنت