،، المرجلة ماهي سواليف و علووم ،،

[داعي الشوق]

المرجلة ما هي سواليف وعلوم = يشين وجه اللاش وإلا يزيني

اللاش من كسب المناعير محروم = ماله على كسب الجمايل يديني

الحر حرٍ ما يوصّف على البوم = البوم ما تقنص به الجايعيني

الحر يا هل العرف مشري ومسيوم = والبوم ما يشرى بربع الثميني

والرجل له في الضيق همات وعزوم = وإلا الردي متخفي ما يبيني

الرجل في كل المواجيب ملزوم = مواقفه تبقى مواقف رزيني

الرجل جعله دايم بعز ويدوم = وإلا الردي جعله يلحَف بطيني

لا لا تغرك كشخة الناس بهدوم = الرجل بافعاله على كل حينى

ولا يثمن مظهره أمس و اليوم = قد قالها اللى هم لها خابريني

بيت الشرف ما هوب يالربع مهدوم = لو حاول الرديان ساسه متيني