اشتاق لك شوق الوحش للفضا الطلق

[شجاع عمر الأكلبي]

جديدة




يانور ياللي لا أظلم الليل له فلق=مع طلّتك حلك الدجا تطردينه
إمن الوناسه بعدكم خاطري غلق=والفكر دايم يالغلا تشغلينه
اشتاق لك شوق الوحش للفضا الطلق= في لحظة ٍ تو القنص صايدينه
قلبي معك بأمر الولي يالمها علق=أدخل على الله بالجفا تجرحينه
وحالي سلقته بالهوا والغلا سلق=وزود ٍ عليه بجفوتك تحرقينه
ولانيب في حبّك مخادع ولا ملق=هذي حقيقة حب تستاهلينه
مسكين يامن في الهوا خافقه دلق=كيف يتحمّل عشقه وعاذلينه
ثوب الهوا يبطي براعيه ماخَلق=يبطي بكونه ماتعدد سنينه
يضحك مع العالم وهو خاطره قلق=ومن غير رسله يصفق براحتينه