الطاااااهراااات العفيفااااات

[شجاع عمر الأكلبي]

جديدة

تتحدّث عن نفسها



مالك ومال الطاهرات العفيفات=الله مكرمهن عن اللي تقوله

الطاهره مالك وراها دعايات=خلك مع مثلك كذوب مهبوله

يمكن تروح السوق في بعض حاجات=وتقضي لوازمها وترجع عجوله

تكذب عليها ياقليل المروات=تبي تمدح عند مثلك إعجولة

ذولي من هروجك عفاف وحشيمات=وفي ذمتي مافيك ذرّة رجوله

أنصحك توب وخل عنك الوشايات=من قبل يفضحك الولي في الحموله

اليوم تضحك غير هيهات هيهات=بكره عليك العار تضرب طبوله

راقب قدير وعالم ٍ بالخفيات=عليم علمه كل شي ٍ يطوله

يجزا عمل راع الحسانا بحسنات=والسيئة منها تمد العموله

يالله سترك ياجزيل العطيّات=في دارنا الدنيا ويوم المهوله

وصلوا على سيّد جميع البريّات=اللي جعله الله بأمره رسوله