قلبي على اللي يحول البعد من دونه

[عبدالله الشويمان]

شوقي على اللي يحول البعد من دونه= مقدر اشوفه ولا حاول يكلمني
القلب ماهو بيدّي بيّح كنونه = من حر ما يوجسه يملي ويكتبني
ياليت يدري بقلب زاد بشطونه= وجفنٍ هجره الكرى والسهد يرهقني
اسهر مع النجم حتى يغرب بكونه= ويطلع عليّ الفجر والشوق يحرقني
من عام الاول وانا لازلت بسجونه= القيد حطه بقلبي ليت يطلقني
عايش ولا نيب عايش انتظر نونه= مسبوه بعده وبرق العمر يسرقني
المشكل انه نساني خيّب ظنونه= وانا احسب انه ولو باعدت يفقدني
ياليتي اقوى ولا انشد عنه وشجونه= لكن قلبي يبيه ولو يتعبني
تكفون قولوا يخفف باقي طعونه= يرفق بقلبي وعن حاله يعلّمني


الله الله

صح السانك يا الطائر المهاجر

نص رائع وجزل مثل العاده دائما جزل

دمت بخير وصحه وسلامه

ولا هنت يا الغالي