الغرب لولا قوانين يواليها/ ماترتفع دار

[الطائر المهاجر]

الغرب لولا قوانينٍ يواليها = ما صار قوّه عظيمه ينحسب شانه
والبعض منا مع الفوضى يغذيها= لاشاف تنظيم ما يأبه بعنوانه
حتى ولو هو لمصْلحْته وداعيها= يعميه حمقه فيمشي درب عصيانه
يمكن عواجه وجهلٍ في تواليها= يحسبه انقاص في قدره وأثمانه
ما ترتفع دار والفوضى عثت فيها = فالساس واهي ولا يقوى لعمدانه
والمنتدى مثلها في كل عانيها = من دون تنظيم ما تصمد به اركانه
ومن طاوع النفس والفوضى يخاويها= ماهوب منّا ولو نتّب لجدّانه
دار الفطاحل لها منهم محبيها= من كل حرٍّ همام وكل شيهانه
واللي يفكر بحمقه يوم يعميها= عن قصد غلطان خاسر دوم برهانه
الْها رجالٍ بطيب القلب تبنيها= وعند الضروره على العادي وعدوانه
حنا اجتمعنا على الخوه وطاريها= نرفع عمدها وكل شاد بنيانه
وخوه بهااضرار لايمكن نراعيها= ومن كان هذا طريقه خسر لاخوانه