همس الغلا

[الصمت الثائر]

ارحب تفضل هجوس الشعر وضيوفك"="اقلط وهاك القلم واستجوب دموعه

على صدور الورق له طوع حروفك"="ويداعب الفكره وتمشي على طوعه

حسك معي والمشاعر دون ما اشوفك"="همس الغلا يا خفوقي منك مسموعه

القاف لجلك حبيبي ينثر طيوفك"="يجني من الورد ما يزهاك في روعه

يا بو عيون (ن) نواعس شاقني شوفك"="والقلب يمك رحل ما ودع ربوعه

روحي هوت يا حبيبي جنة سيوفك"="ترسم بقطرات دمي فيك موسوعه

والورد بستان .. ارضه راحة كفوفك"="والحب : حرفين .. كلمه فيك مشروعه

حبك وانا ما نسينا يوم معروفك"="اشتاتنا بالموده فيك مجموعه

والليل شلالٍ اسود يكسي كتوفك"="حرير في ملمسه ما فيه من نوعه

مسترسل (ن) منثني وترده ردوفك"="نحيل قد وخصر بالزين متبوعه