أنا على همي تكتمت ياسعود

[سعود المسعد]

كلن على همه يعد المواجع = وأنا على همي تكتمت ياسعود
من ماوضح بالعين ماهوب راجع=والمال ماله في رجوعه ولا فود
ولايرجعه كوم البشر والجعاجع =ولا ترجعه دمعات ضايق وملهود
يضيق في الكون والطير ساجع=وتضيق بي نفسي لياهبت النود
واعاف من حلو الكرا والمضاجع=واجلس أحسّب حسبت النقص والزود
يسريبي الهاجوس والكل هاجع =لاخر مدى والناس في نومها رقود
ماهو هوا لام الثمان اللواجع =اللي شعار الموت بعيونها السود
ولاهو طمع بالمال والا المراجع=الله كريم وقسمته مالها حدود
الا من اللي لاذكرته أنا آجع =واصير أنا كني من الناس مظهود
ويصيبني من بين الاضلاع فاجع=كنه تمثنى الجوف ملحاً وبارود
واكثر عذابي لاذكرت المفاجع =وذكرت من كان امس بالعين موجود
جنت جنوني ثم عفت المهاجع =ياليتني فالمهد أنا مت مولود

عوض العتيي
صح لسانك وجاد بيانك
قصيده في قمة الروعه
لوانهاحدتني على اقصاي يعني جابت العيد فيني ولكن استمتعت
وشبعت ذائقتي الشعريه ومعوض خير
الا من اللي لاذكرته أنا آجع =واصير أنا كني من الناس مظهود
ويصيبني من بين الاضلاع فاجع=كنه تمثنى الجوف ملحاً وبارود
واكثر عذابي لاذكرت المفاجع =وذكرت من كان امس بالعين موجود
جنت جنوني ثم عفت المهاجع =ياليتني فالمهد أنا مت مولود


الله الله ياسلالالالالالالالالالالالام
لك ودي واعجابي ومتابعتي