لــمــيــــــــ(شلـة بليـــس )ـــــــــس

[سعيد الصاعدي]

والله اني شفت شين مايقال=ولايسولفبه جليسن للجليس
حاجتن فوق الحقيقه والخيال=كارثه والوضع جا منها تعيس
غزو فكري تنصهر منه الجبال=مار من يقنعك ياالقلب الفطيس
علتن تعرض علينا من خلال=شاشتن ان بي سي لمسلسل لميس
المصيبه البنات مع العيال=كل واحد ينتظر وقت ويقيس
يحترون اللي عساهم للزوال=ويدفعون لشوفهم غال ونفيس
في جنوب المملكه ويض الشمال=همهم امشاهدت شلت بليس
كل عصر وحالنا ماهوب حال=من يعاين فالخسيسه والخسيس
ياامت الاسلام ياعيال الحلال=ميزو ويش الربوع من الخميس
لايجي بقلوبكم مثل الظلال=تنجرف مع كل عاريتن وهيس
المسلسل ذا حرام ولاتسال=عنه يالغرقان لاتصبح غطيس
في ذنوبن كنها سود الليال=تدخلك نارن لها صوت وضريس
وجه ابن الشيخ مفتينا وطال=فالنصيحه ربه يحس الحسيس
قال هدم بيوت مافيها جدال=اصح ياللي من سبب نومك عميس

الاخ الفاضل / مقبول الشيباني
صح لسانك لاهنت
نص شعري راقي جدااااااااا وهادف
من شاعر متمكن
تسلم ويسلم فكرك يالغالي
تحياتي
أخــــــــــوك
س / ص